((كسه يول))
من سئويرم اوز يولونو بير نفسه گئدنلري،
باش منزيله بودرمدن، دومدوز، كسه گئدنلري.
كيمي شوهرت ديوانه سي،
كيمي ثروت ديوانه سي،
كيمي توستو،دومان ايچره
عيش، عيشرت ديوانه سي.
تبسسوم له گوز قويورام
اوزو قيزيل،
ايچي ظولمت سارايلارا.
چلنگ اوسته بوغوشماغا،
وورچاتداسين هارايلارا.
مني اصلأ جلب ائلمز
عبث،هدر،
گلدي-گئدر
دبدبه لر،طنطنه لر.
تامام باشقا بير عشق اوچون من سفربر!
اورييمده دورد عممانين نبضي وورور.
هر آدديميم قيطعه لري بيرلشديرن بير ائكواتور.
گاه توستويه،گاه آلووا گيره-گيره
آپاريرام آماليمي اييرميدن اييرمي بيره!
عصيرلري بير لشديرن قودرت منم،جورعت منم،
سوز دزگاهي آرخاسيندا قول چيرمين بير وطنم!
قودورماسين آجي روزگار.روحوم معمار،قانيم قاينار.
كاروانيمي ساخلاماغا دئيين،كيميين گوجو چاتار؟
واخت-اليمده زر قوطوسو،
ثانييه مي قيزيل كيمي خرجلييرم.
ميصراعلاري سونبول كيمي دجليييرم.
خوشلاميرام نيشانينا عاشيق اولان گده لري،
خوشلاميرام يولو كسه گئدنلري.
قورخاقلاري،ميسگينلري كسه-كسه گئدنلري،
بئش عومورلوك مسافه ني بير نقسه گئدنلري!
هاراي سئللر، ايلديريملار، آل تركينه، آپار مني،
يئددي دنيز آرخاسيندا گوزليير بير نيگار مني.
آرديني اوخو